देशात सर्वकाही परफेक्ट
असेलच असं नाही
पण देश म्हणजे मी
अण् देशाशिवाय मी नाही
वडीलोपार्जीत संपत्ती स्वातंत्र्याची
ऊधळायची की वाढवायची
देशाला अभिमान वाटेल अशी
प्रत्येक पीढी घडवायची
घराला जपतोच ना
मग देशालाही जपू आपण,
प्राणांची आहुती नको
मागतो फक्त माणुसपण
लढतात जे जातींवरुन
त्यांना त्यांच लढू द्या...
आपण त्यात न पडता,
आपला देश घडवु या
माझा देश, माझा जवान,
माझा किसान, माझा अभिमान
पाईक देशाचा कर्तव्य पारायन
करतो आपला देश महान
बंद नको, नको संप
नकोच नुसते आंदोलन
आमच्या गरजा आम्ही भागवू
देशा तारेल स्वावलंबन
पुन्हा देशा आहुती देवु
देश करू सोने कि चिडीया
स्वातंत्र्याची घेऊ शपथ
ब्रीद आपले मेक ईन इंडिया
~ दत्ता चत्तर
